ठाणे : ठाणे महानगरपालिका आणि फोटो सर्कल सोसायटी यांच्या संयुक्त विद्यमाने ‘आविष्कार २०१९’ ही राष्ट्रीय छायाचित्र स्पर्धा नुकतीच घेण्यात आली होती. या स्पर्धेचेहे २१वे वर्ष असून, या स्पर्धेत १९ राज्यांतून सहा हजार ३२५ छायाचित्रांसह ६७३ छायाचित्रकारांनी सहभाग घेतला होता. या छायाचित्रांचे प्रदर्शन २२ नोव्हेंबर २०१९ पासून कापूरबावडीतील ठाणे कलाभवनात सुरू झाले आहे. २४ नोव्हेंबरपर्यंत ते सुरू राहणार आहे.
या स्पर्धेतील राष्ट्रीय विजेते असे –
मोनोक्रोम विभागात अभिषेकबसक, राणा मुखर्जी (पश्चिम बंगाल), मोहंमद असिफ, कार्मिक एम. डी. (कर्नाटक) हे विजेते ठरले आहेत. खुल्या गटात मोहंमद असिफ (कर्नाटक), हिरा पंजाबी, प्रथमेश दीक्षित (महाराष्ट्र), अबीर घोष, सरोज मलिक (पश्चिम बंगाल) हे विजेते ठरले आहेत. ‘नेचर-वाइल्ड लाइफ’ या गटात भास्कर आठवले, प्रमोद बनसोडे (महाराष्ट्र), प्रमोद शानभाग, प्रवीण सिद्धनवार (कर्नाटक), कल्लोल मुखर्जी (पश्चिम बंगाल) हे विजेते ठरले आहेत. ‘ट्रॅव्हल’ या विषयावरील स्पर्धेत अमित राणे, सुधीर नाझरे, अंकुर तांबडे (महाराष्ट्र), अविक शाह, कृष्णा भट हे विजेते ठरले. ‘स्टेट फोटोग्राफी’ या विषयावर आधारित स्पर्धेत ठाणे जिल्ह्यातील के. के. चौधरी, संदीप यादव, सुजित म्हात्रे, गजानन दुधलकर, महेश आंब्रे हे स्पर्धक विजयी ठरले आहेत.
हे छायाचित्र प्रदर्शन जरूर पाहावे, असे आवाहन ठाणे महानगरपालिका आणि फोटो सर्कल सोसायटीच्या वतीने करण्यात आले आहे.